其斤
非常住家“蔡”-- 卤水乳鸽
| 发表日期：2010-04-10 | 摄影器材： 佳能(CANON) IXUS 80 IS | 点击数：… 投票数：… |
今日系屋企无无聊聊，又谂唔到食咩送，突然心血来潮，决定整下前排睇阿苏教整的卤水乳鸽啦。于是妈妈即刻落楼去买材料，我就上网稳翻集野认真再睇下D分量啦。
准备材料的时候，望住非常大碗的粗盐，非常疑惑是米真是要落晒。突然间谂到，香港是用16两称，距讲的5两粗盐，应该唔是我地的半斤吧……为安全起见，决定D盐都是落少D，唔够咸总比咸过头容易打救。
经过两母女接近1个钟头的努力，靓靓的卤水乳鸽终于出炉啦！！
颜色好靓，而且好香。非常好味，食落仲好滑，唔会老左。正啊！！老豆仲话下次要一人一只唔斩的，咁先爽喔！
但是我觉得有少少不足啦，就是表皮够味，入面D胸肉仲是少少淡。不过无所谓啦，下次再改进咯，哈哈~
今次煮完仲有一大煲的卤水汁，睇怕接下来一个星期都是要食卤水制品噜……
虽然好多人都应该睇过阿苏，不过都是抄一抄D材料同做法啦，同时可以防止自己第日唔记得点整啦~呵呵
卤水汁材料：海天草菇老抽：1樽（约500ml），生抽：1/3樽（约130ml），水：5樽（约2500ml），粗盐：150g，糖750g
卤水香料包：甘草+桂皮+八角约50g
做法：
1.将卤水香料包先用小煲落少水煮半个钟，等香料煮出味。
2.将乳鸽飞水，再用冻水冲洗，清洗干净内脏。
3.将草菇老抽，生抽，水，粗盐，卤水香料包连水倒入大煲，煮滚后再落糖，搞匀，糖和盐充分溶解。
4.落乳鸽，用香料包压住乳鸽头，等距唔会浮出黎。不用盖煲盖，大火煮20分钟。
5.关火，盖煲盖局10分钟。
6.大功告成，靓靓乳鸽出炉。开餐！！
访问空间下一篇：没有了
最 新：
没有其它新的作品了