昨晚看了一电影——《佛陀：美丽的红色沙漠》，乃手塚治虫之作，只是旧作上了银幕，画面尚算唯美，只可惜少了一些宗教味道。故事开头是一智者雪山遇难，饥寒交迫，濒死之际，熊、狐狸、兔分别出现，欲用自己的方法救智者，然而只有兔无法抓到猎物让其果腹，故捡来柴支，让智者生火，然后纵身跳入火堆……

　　这个故事在当年《圣斗士星矢：黄金十二宫篇》出现过，如今再看，已过廿载，我还是看着日本动画，甚觉惭愧。回想八十年代，国产动画还有一些精品，如今，只有什么「羊与狼」，抑或什么「猪侠」，愚昧之至，惨不忍睹！

　　偶尔回想往事，犹如于时间长河中垂钓，有惊喜，有忧愁。

　　今天又回到这个被称为母校的地方，早上还和朋友谈笑曰：「谈笑有师妹，往来无师兄」。可见在此资历之老。阔别多年，除了那栋大四时住的破旧宿舍外，其它都变了许多，曾经有点讨厌的校舍，如今多了一份复杂的情感。

　　那些学校景致，人群组合，仿如昨日重现，历历在目。每每见此，不觉付之一笑。不再激情如昔，不再幼稚可笑，有时亦被自己的成熟和世故所吓倒，时间不愧是个狠角色，哈哈！

　　工作多年，今想

栋梁老矣，理想有否

　　某日出差至一小学，帮该校得奖嘅几个班影全家福（冇错系啲唔多权威嘅活动）。虽然影几张相要老夫山长水远赶去黄埔的确系屈就咗啲，但与其一日坐喺办公室同班「好同事」勾心斗角，不如出去吹吹风，感受下广州交通如何混帐好过，更何况有班得意嘅小朋友陪伴呢？

　　啊！讲系轻松，同啲「甩绳马骝」影相并唔系咁容易，所以点解嗰啲小学班主任差唔多个个都系豆沙喉？对于过客嘅我嚟讲再清楚不过。做完嗮嘢，随行两个同事上去同校长密斟，我就同另一男同事喺操场上嘅长凳稍息片刻，享受一日难得嘅悠闲同清静，所谓「国事家事天下事

　　我只系一只普通嘅法国水晶杯，我系话，如果冇同葡萄酒相遇嘅话……
　　经典、高雅、气质不凡，呢啲都系人类对我赋予嘅价值观。对此，我不屑一顾，我嘅身体只系加入咗24%氧化铅嘅玻璃，唔同嘅系：真正嘅水晶杯，亦即系我，别于普通玻璃杯刚硬嘅质感，摸落去，总系有啲软淋淋嘅感觉，而且我嘅折射度同透光率都较玻璃杯好。
　　有人话：波尔多杯注定要遇上葡萄酒。我就话：当葡萄酒冲破木塞，离开对佢封存已久嘅酒樽，就注定投入我嘅怀抱。
　　「吭！」酒樽用力噉喺我身上撞咗一下，发出铿锵嘅撞击

　　「讲明先啊，如果条蛇打咗水或者冇咗个胆我都唔爱咖！」
　　「得嘞，靓姐，你拣下先啦！」
　　某日我姑姐喺市场买蛇，只见佢捉起一条蛇，用脚将蛇头踩喺地下，蛇尾向上，然后由蛇头至蛇尾一捋（音「挘」），「吱！」一声！一条水柱从条蛇嘅箩柚喷出，直射过马路对面。
　　嗰啲打咗水嘅蛇，如果第一日卖唔出，第二日就会死，梗係唔要啦。卖蛇佬冇办法，攞过第条冇打水嘅嚟劏，点知一劏，果然係冇蛇胆嘅。条蛇最值钱嘅地方就係个蛇胆，自然好多人会喺呢度做手脚，攞咗个胆出嚟，谂住赚得深啲。
　　由于事先讲好，佢冇办法唔换，卒之搞到要去其他人档

　　琴晚系「年廿八，洗邋遢」，我好夜先返到返屋企，屋企同冰箱一样都系空了了。肚仔饿又唔想食饭，于是落楼下林师傅睇下有乜好食。
　　「唔该爱一碗牛肉窝粉吖！」睇咗一轮，发现实在冇咩啱食，就求其点咗个比较饱肚嘅。
　　「牛肉窝河系吗？」收银嘅妹记（广州话里面称呼啲食肆女伙计一般叫阿妹[mui1]，读阴平）循例问到。
　　呢个时候，我听到旁边一位食紧嘢嘅哥哥仔「kit1」声笑咗出嚟，我都笑笑口答到：「系啊，窝河～啊」。
　　其实我哋去食粉，伙计一般都会问清楚你系食河粉定米粉，费事落错单，噉系无可厚非。但广东人一般比较注重意头，新年

　　话说呢排我都因为热衷于研究广府文化，所以经常会同人讲起呢方面嘅话题。呢日啱啱喺论坛回完帖，屋企大门传嚟熟悉嘅锁匙声，老窦落班返嚟喇。
　　佢一坐低，我就问佢：
　　「老窦，知唔知广府系咩吖？」
　　「好大间嘅屋啰！」佢不假思索噉答我。
　　「……」
　　我无言，老窦你系得嘅！

　　喺屋企行到车站嘅路上，经常见到啲司奶喺度放狗。今朝见到有只狗几得意，于是不自觉噉对佢露出善意嘅笑容，点知旁边嘅司奶见状，对只狗讲：「BB，叫哥哥早晨啦！」
　　我几乎忍唔住嗌咗出嚟，哇！靓姐，我同你往日无冤，近日无仇，乜搞啲噉嘢吖？噉啫系点？只狗识叫我哥哥无非两种可能：一、佢有特异功能；二、我系狗公。但无论边种可能性成立，都会令我觉得自己唔正常。喂，你认自己系狗乸我冇所谓，不过我唔想做狗公啰！
　　呢位司奶，你系得嘅！不过我承认自己重未豁达到可以接受一只狗叫我哥哥，对唔住！

　　琴晚返屋企嗰阵，无意中听到两个大概二、三年级嘅小学鸡喺度倾偈，听完当场石化。
　　A：「有个男朋友追个女朋友，女朋友锺意咗男朋友，之后男朋友就同女朋友交易……」
　　B：「系交配啊，唔系交易啊！」
　　A：「交配同交易咪一样。」
　　当一个细路都明白「交配」同「交易」都系一样嘅社会，系几咁有哲学思维嘅社会，系几咁开明同开放嘅社会。细路，你哋系得嘅！只系，我冇办法接受到……